حذف حساب منجاح وبياناته
تكدر تحذف حسابك بتطبيق منجاح وكل بياناته بأي وقت، بطريقتين
من التطبيق
حسابي ← حذف الحساب
بعدها عدّاد 10 ثواني، وبعده زر «حذف الحساب». إذا الحساب مشترك، يطلب كلمة السر مرة ثانية حتى نتأكد إنه حسابك. ونفس الشي بنسخة الويب للآيفون.
برسالة
من نفس رقم الحساب على واتساب الدعم (+964 776 688 1775)، أو على info@minjah.com، واكتب «احذف حسابي». نتأكد إنه حسابك ونحذفه خلال 7 أيام.
ولي أمر الطالب الأصغر من 13 سنة يكدر يطلب حذف حسابه بنفس الطريقة.
شنو ينمسح (فوراً ونهائياً)
- الحساب ورقم الهاتف وكلمة السر
- الاسم والصف والمحافظة والمدرسة
- الإجابات والتقدّم ودفتر الأخطاء
- الاشتراك والأيام الباقية
- معرّف الجهاز
شنو يبقى بدون اسمك
- اسم المدرسة بقائمة المدارس، إذا كتبته
- البلاغات عن أخطاء الأسئلة
- الكود اللي فعّلته يبقى «مستخدم»
- طلبات الدفع (الباقة والمبلغ والتاريخ)، لأنها سجل المبيعات
وإذا السيرفر بيه نسخ احتياطية، البيانات المحذوفة تنمسح منها وحدها خلال 30 يوم.
قبل ما تحذف
الحذف نهائي وما يرجع. الأيام الباقية من الاشتراك تنمسح ويّاه. وتكدر تسوّي حساب جديد بأي وقت.